Dy fitore të mëdha radhazi e ngjisin Labinotin në skenën kryesore të boksit profesionist
Labinot Xhoxhaj (21-0-1, 16 KO) vazhdon shkëlqimin në ring, duke regjistruar një fitore të madhe ndaj rivalit të nivelit botëror, Mourad Aliev (13-1-0, 10 KO). Ai triumfoi me vendim unanim të gjyqtarëve pas 12 raundeve të forta dhe intensive.
Me këtë fitore, Xhoxhaj mbrojti titullin e kampionit evropian në versionin EBU dhe fitoi titullin prestigjioz WBC International, duke forcuar pozicionin e tij në ranglistat ndërkombëtare të peshave të rënda.
Dominimi i tij në ring ishte i qartë dhe i padiskutueshëm, ndërsa paraqitja ndaj Aliev konsiderohet një nga më të mirat në karrierë, duke marrë vlerësime të larta nga ekspertët e boksit.
Ky sukses vjen pas fitores së mëparshme ndaj Oleksandr Zakhozhyi (19-1-0, 15 KO), duke vërtetuar se Xhoxhaj nuk është më një emër në ngritje, por një pretendent serioz për nivelet më të larta të boksit profesionist.
Tani boksieri kosovar është më afër se kurrë përballjeve me elitën e peshave të rënda në botë. Dy triumfet radhazi ndaj emrave të mëdhenj si Zakhozhyi dhe Aliev e kanë vendosur atë në mesin e boksierëve më të mirë në këtë kategori.
Fitorja e së sotmes dërgon një mesazh të fuqishëm për botën e boksit: një shqiptar nga Kosova po trokët në derën e më të mirëve dhe është gati të përballet me ta./PrizrenPress.com
Marketing
Kliko videon: https://www.facebook.com/PrizrenPress/videos/1684680412412465
