Është arrestuar një person në Rahovec nën dyshimin se ka ngacmuar seksualisht nusen e djalit të tij – rast ky që ka tronditur opinionin dhe familjen përkatëse.
Burime të besueshme të Gazetës Sinjali bëjnë të ditur se i dyshuari, vjehrri i viktimës, është ndaluar nga Policia pas paraqitjes së denoncimit penal nga e dëmtuara dhe pas veprimeve të para hetimore.
Sipas deklarimeve të viktimës, ajo për një periudhë të caktuar kohe ka qenë e ekspozuar ndaj ngacmimeve të vazhdueshme seksuale nga ana e vjehrrit të saj.
Rasti është cilësuar si “Ngacmim seksual”, ndërkohë që autoritetet kanë intervistuar palët e përfshira dhe kanë ndërmarrë veprime të tjera procedurale.
Me urdhër të Prokurorit të Shtetit, i dyshuari është ndaluar për 48 orë, ndërsa hetimet po vazhdojnë për zbardhjen e plotë të rastit dhe sigurimin e provave relevante.
Marketing
