Kombëtarja e Kosovës në futboll për të verbër, e cila për herë të parë do të marrë pjesë në Kampionatin Evropian, Divizioni i Dytë, e ka zhvilluar sot stërvitjen e fundit në Kampin Nacional në Hajvali para udhëtimit drejt Krakovit të Polonisë, ku do të mbahet kjo garë nga data 29 qershor deri më 7 korrik.
Kosova bën debutimin e saj në këtë ngjarje prestigjioze evropiane, ku në grup do të përballet me katër kundërshtarë, raporton PrizrenPress.
Ndeshjen e parë do ta zhvillojë kundër vendit mikpritës, Polonisë, ndërsa më pas do të ballafaqohet me Kazakistanin. Në dy sfidat e fundit të grupit, Kosova do të përballet me Rumaninë dhe Spanjën, kjo e fundit njëra nga kombëtaret më të forta në këtë kategori.
Për këtë garë historike, përzgjedhës Mahmutaj ka ftuar këta futbollistë: Vilson Hajdari (portier), Florian Zeka, Herolind Gashi, Bekim Krasniqi, Daut Hoxha, Shqipron Kuliqi, Fatlum Elshani dhe Mark Pjetraj (kapiten).
Pjesëmarrja në këtë kampionat përfaqëson një moment historik për sportin e të verbërve në Kosovë dhe është dëshmi e përkushtimit të Federatës së Sporteve për të Verbër e Kosovës dhe Federatës së Futbollit të Kosovës për gjithëpërfshirje, barazi dhe zhvillim të sportit për të gjithë./PrizrenPress.com
Marketing
NISU – Çdo natë për Ulqin me Bashkimi Reisen nga 27 qershori!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren