Instituti Rajonal i Shëndetit Publik në Prizren ka njoftuar se sot janë testuar 43 persona, prej tyre 22 janë raste për herë të parë si raste kontakti apo të dyshuara për COVID-19.
Sipas njoftimit, janë bërë 3 ritestime për të dytën herë brenda 24 orëve, një nga Prizreni, një nga Suhareka dhe një nga Malisheva.
Po ashtu, në njoftimin e tyre në “Facebook”, kanë bërë të ditur se 18 ritestime janë bërë për personat që kanë qenë 14 ditë në vetizolim, prej tyre 15 nga Prizreni, 2 nga Rahoveci dhe 1 nga Suhareka.Kujtojmë se deri më tani numri i të prekurve me coronavirus në vend ka arritur në 884, prej tyre 655 të shëruar dhe 28 të vdekur.