Ekipet e Qendrës Rajonale për Trashëgimi Kulturore në Prizren janë në terren, të angazhuara çdo ditë në procesin e rivlerësimit të aseteve të trashëgimisë kulturore.
Ky proces përfshin evidentimin e gjendjes fizike, dokumentimin profesional dhe vlerësimin e elementeve arkitekturore, me qëllim krijimin e një pasqyre sa më të saktë të gjendjes aktuale të këtyre aseteve, raporton PrizrenPress.
Gjatë ditëve të fundit, sipas QRTK-së, angazhimi i punonjësve është përqendruar në Teqenë Halveti në Prizren, ku po zhvillohen inspektime në terren dhe analiza profesionale.
“Këto veprime janë pjesë e punës së rregullt institucionale për ruajtjen dhe menaxhimin e trashëgimisë kulturore, duke respektuar kriteret profesionale dhe standardet përkatëse”, thuhet në njoftimin e këtij institucioni.
Rivlerësimi i aseteve të trashëgimisë kulturore është një hap i rëndësishëm drejt planifikimit të masave të mbrojtjes dhe ndërhyrjeve konservuese të ardhshme. Përmes këtij procesi, QRTK Prizren synon të kontribuojë në ruajtjen afatgjatë të vlerave kulturore të qytetit./PrizrenPress.com/
Marketing
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
