Një qytetar është gjobitur me 200 euro pasi ka ndotur hapësirën publike duke hedhur mbeturina, ndërsa është detyruar edhe që t’i largojë ato.
Lajmin e ka bërë të ditur kryetari i komunës, Bali Muharremaj, i cili theksoi se institucionet komunale po veprojnë në përputhje me ligjin.
“200 euro gjobë dhe natyrisht ai që e dëmtoi hapësirën publike me hudhje të mbeturinave po e largon. Aty ku kemi kompetenca veprojmë me përgjegjësi sipas ligjit”, ka deklaruar Muharremaj, raporton PrizrenPress.

Ai ka folur edhe për shqetësimet e qytetarëve lidhur me situatën e mbeturinave dhe moslargimin e tyre nga kompania rajonale.
“E di. Dhe ju kuptoj që është shqetësim edhe çështja e moslargimit të mbeturinave nga Eko-Regjioni, mirëpo qëndrimet e mija tashmë janë publike dhe të gjithë jemi të informuar me situatën”, është shprehur ai.
Në fund, i pari i Suharekës ka bërë thirrje për bashkëpunim për tejkalimin e situatës.
“Mendoj se së bashku duhet të veprojmë për zgjidhje, që ta rregullojmë edhe atë çështje dhe t’i kthehemi normalitetit”, ka përfunduar Muharremaj./PrizrenPress.com/
Marketing
Shiten banesa moderne në lagjen “Tranzit i Ri” të Prizrenit – mundësi pagese me këste
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/
