4 mijë e 423 persona kanë hequr dorë nga shtetësia e Kosovës vitin që lamë pas.
Këtë e kanë konfirmuar edhe nga Ministria e Punëve të Brendshme në një përgjigje dhënë lajmi.net.
Tutje, bëhet e ditur se një nga arsyet më të shpeshta të heqjes dorë është marrja e asaj të njërit prej shteteve të BE-së.
“Arsyet pse personat heqin dorë nga shtetësia e Republikës së Kosovës, është pasi që shumë shtete të Bashkimit Evropian nuk lejojnë dyshtetësinë përfshirë këtu edhe disa shtete që nuk janë pjesë e Bashkimit Evropian”, njoftoi MPB-ja për mediumin gjegjës.
Nga departamenti për shtetësi, azil dhe migracion në MPB kanë shtuar se trendi i heqjes dorë nga shtetësia, ka qenë pothuajse i njëjtë, nëse llogaritet periudha prej shpalljes së Pavarësisë e së këndejmi.