Drejtoria Komunale e Arsimit në Prizren, për shënimin e 7 Marsit, organizon program kulturo- artistik, si dhe do të ndajë shpërblime për mësimdhënësit më të mirë, nxënësit më të mirë, veteranët e arsimit të pensionuar në mes 7 marsit 2013 dhe 7 marsit 2014.Me këtë rast edhe GIZ-i gjerman do të ndajë shpërblime për shkollat më të suksesshme në vlerë prej 12500 €.
Manifestimi i 7 Marsit mbahet me fillim në ora 12:00 në Shtëpinë e Kulturës “Xhemajli Berisha”.Drejtori i Arsimit,Nexhat Cocaj, njoftoi se në ora 14:00 do të bëhet përurimi i SHFMU “Shtejfën Gjeçovi” në Bregdri.
“Objekti ka 5 dhoma mësimi, një dhomë për kabinet, salla e mësimdhënësve dhe tre zyra administrative, ngrohjen qendrore dhe ka kushtuar 233.834 € investim nga Komuna e Prizrenit, përkatësisht DKA”./PrizrenPress.com/