Dy francezë dhe pesë indonezianë janë arrestuar në jug të Turqisë për shkak të dyshimeve se kanë dashur që të shkojnë në Siri, që t’i bashkohet shtetit islamik, ISIS.
Ata janë arrestuar në vazhdën e operacioneve antiterroriste të policisë turke në një hotel në provincën jugore Adana dhe të dyshuarit do të largohen jashtë vendit.
Policia turke vazhdimisht po bën përpjekje të ndalë ekstremistët që të kalojnë në Siri ndërsa javët e kaluara ka arrestuar dhjetëra njerëz për shkak të dyshimeve se kanë lidhje me ISIS-in.
Siç transmetojnë mediat turke autoritetet të enjten kanë arrestuar 10 marokenë dhe një sirian që nga Kazablanka kanë arritur me aeroplan në Stamboll me qëllim që të kalojnë nga territori turk në Siri.
Turqia deri më tani ka deportuar më shumë se 2 mijë të huaj që kishin lidhje me terrorizmin.