Lidhja Demokratike e Kosovës, subjekti më i madh opozitar në Prizren, të dielën (sot) do ta mbajë Kuvendin zgjedhor të Degës, që është shtyrë disa herë.
Kjo ngjarje pritet me interesim jo vetëm tek anëtarësia e saj, por edhe te forcat e tjera politike në këtë komunë, për faktin se po zhvillohet një garë e fortë brenda partisë.
Pretendentë për marrjen e postit mbetur bosh të kryetarit të Degës janë disa aktivistë të saj, por edhe të nivelit qendror. Risi para Kuvendit është tërheqja e Dr. Hatim Baxhakut.
Në garë për kryetar të LDK-së në Prizren, janë: Haxhi Avdyli, Ridvan Hoxha dhe Hanifi Muharremi. Ndërkaq, nuk përjashtohet mundësia që numri i kandidatëve në Kuvendin zgjedhor të rritet për kryetar të Degës së LDK-së në Prizren/Zëri/