Viti 2015 të jetë vit i punësimit, që të rinjtë të mos largohen nga Kosova. Kjo është dëshira e vetme e qytetarëve të Prizrenit, të cilët shpresojnë në përmirësimin e kushteve të jetës në Kosovë, raporton KTV.
Minutat e para të vitit 2015 Prizreni u ndriçua nga fishekzjarrët.
Prizrenasit kishin zgjedhur që të ndihmojnë në zbukurimin e qytetit, duke hedhur fishekzjarrë nga oborret e tyre.
Qytetarët kanë shpresë që 2015-a do të jetë vit i punës.
I bombarduar nga fishekzjarrët ishte edhe sheshi “Shatërvan”.
Pjesëtarë të Policisë së Kosovës kujdeseshin për sigurinë e qytetarëve, të cilët kishin dalë për të festuar.
Mirëpo, jo të gjithë shpëtuan mirë nga përdorimi i mjeteve teknike.
Mjeku kujdestar në spitalin e Prizrenit, Naser Krasniqi, ka treguar se ka shumë të rinj që kanë kërkuar ndihmën e mjekut.
Ndërkohë edhe këtë vit nuk është vërejtur ndonjë organizim nga ana e Komunës së Prizrenit.