Shoqatat e dala nga lufta i kanë dhënë tri ditë kohë Ministrisë së Arsimit dhe Qeverisë së Kosovës për gjetjen e një zgjidhje lidhur më çështjen e memorandumit të bashkëpunimit në mes të Universiteit të Prishtinës dhe shoqatave të dala nga lufta për pranim me automatizëm në UP për familjarët e këtyre të fundit.
Xhavit Jashari, përfaqësues i shoqatave të dala nga lufta e UÇK-së, ka thënë për Indeksonline se po pritet qëndrimi përfundimtar i Ministrit Barjami dhe pastaj OVL do të dalë me një përgjigje zyrtare për këtë çështje.
“Brenda dy-tri ditëve do të dalim me qëndrim zyrtar. Ata nuk mund të iu ikin përgjithësive të tyre”, ka thënë Jashari.
Ai nuk e përjashtoi mbajtjen e sërishme të protestave deri në realizimin e të drejtëve të studentëve.”Nuk përjashtohet mbajtja e protestave për me realizu të drejtën e studentëve. Memorandumi ka bazë dhe rektori duhet ta zbatoj atë”, ka thënë ndër tjerash Jashari për Indeksonline.