22.8 C
Prizren
E diel, 28 Prill, 2024

LDK-ja në Prizren me dy lista për zëvendësministra!

LDK-zyra ne PrizrenLidhja Demokratike e Kosovës(LDK) në Prizren, ka dërguar dy lista të emrave për zëvendësministra të Qeverisë së Kosovës.

Lista e parë e të propozuarëve është dërguar në dhjetor të vitit 2014, ndërkaq e dyta javën e kaluar. Në listën e parë janë propozuar pesë emra, kurse në të dytën katër emra për zëvendësministra.

Anëtari i Kryesisë së LDK-së në Prizren, Xhavit Ukaj thotë se dërgimi i dy listave me emra të (pa)ndryshuar për zëvendësministra ka ndodhur për shkak mungesës së konsolidimit të Degës së LDK-së.

“Unë e kam dërguar listën e parë të emrave për zëvendësministra, sepse ju e dini se në atë kohë Dega e LDK-së në Prizren ka qenë në proces zgjedhor dhe nuk kemi pasur kryetar”, tregon Ukaj për “PrizrenPress”.

Në listën e parë LDK-ja në Prizren për zëvendësministra ka propozuar Xhavit Ukajn, Hanifi Muharremin,Ridvan Hoxhën, Haziz Hodajn dhe Agim Muçajn.

Kryetari i ri i Degës së LDK-së në Prizren,Haxhi Avdyli, ndërkaq ditë më parë ka publikuar një listë tjetër të emrave të “korrigjuar” për zëvendësministra. Në këtë listë për t’u bërë pjesë e Qeverisë së Isa Mustafës, janë propozuar, Xhavit Ukaj, Haziz Hodaj,Hanifi Muharremi dhe Mybera Mustafa. Lista e emrave është miratuar edhe nga Kryesia e re e Degës së LDK-së në Prizren.

Anëtari i Kryesisë së LDK-së në Prizren, Xhavit Ukaj thotë se kanë qenë të detyruar të veprojnë në këtë mënyrë, pasi që Dega ishte në proces zgjedhor.
“Lista e dytë është miratuar nga Kryesia dhe nuk ka shumë ndryshime”, thotë Ukaj. /PrizrenPress.com/

Më Shumë

S’është në Evropë, por në Kosovë – fshati Bellanicë shembull për të tjerët

Nuk është në Evropë por në Kosovë. Bëhet fjalë për fshatin Bellanicë në Malishevë. Bukuria, pastërtia e pamja mahnitëse janë disa nga karekteristikat e këtij...

Qeveria reagon pas procesit të votimit: Republika e Kosovës ka përmbushur obligimin e saj ndaj qytetarëve

Qeverisë e Republikës së Kosovës ka reaguar në lidhje me procesin e djeshëm të votimit për apo kundër largimit të kryetarëve nga funksioni në...

Lajmet e Fundit