Seanca e jashtëzakonshme e Kuvendit të Kosovës, e cila ishte paraparë që të mbahet në orën 14:00 është shtyrë për në orën 17:00.
Kryesia e Kuvendit ka vendosur përfundimisht që seanca në të cilën është paraparë që të diskutohet për projektligjin e ndërmarrjeve publike të shtyhet për në orën 17:00, transmeton zeri.info.
Në anën tjetër ish – kreu i Kuvendit të Kosovës, Jakup Krasniqi, ka reaguar në lidhje me tërheqjen e projektligjit për Trepçën, duke thënë se ky vendim i Qeverisë është në kundërshtim me premtimet dhe synimet që i ka dhënë gjatë fushatës parazgjedhore.
Sipas Krasniqit, Qeveria është dorëzuar karshi Beogradit dhe se kjo është një tërheqje taktike e Qeverisë. /Zëri/
Kërkohet seancë e jashtëzakonshme në orën 14
Kryeministri i Kosovës, Isa Mustafa ka kërkuar seancë të jashtëzakonshme për në orën 14, ku do të diskutohet ligji për ndërmarrjet publike, me anë të të cilit do të pamundësohet likuidimi i Kombinatit Trepça.
Mustafa ka thënë se gjatë ditës do të mbahet një mbledhje e jashtëzakonshme e Qeverisë ku do të diskutohet për obligimet e Trepçës që sillen rreth 1.4 miliardë euro.
Ai ka thënë se të martën do të nxirret për votim ndryshimi i Ligjit për Trepçën.