Shefja e Politikës së Jashtme të Bashkimit Evropian, Federica Mogherini, është duke e vazhduar takimin në Bruksel me të dyja delegacionet, atë të Kosovës dhe Serbisë.
Takimi në Bruksel, në nivel kryeministrash ka nisur sonte rreth orës 21:00 dhe palët kanë paralajmëruar një natë të gjatë diskutimesh. Delegacioni i Kosovës ka paralajmëruar se do të insistoj që në këtë takim të bisedohet edhe për kodin telefonik.
Para takimit të përbashkët, shefja e politikës së jashtme të Bashkimit Evropian, Federica Mogherini, ka takuar ndaras delegacionin e Kosovës dhe atë të Serbisë.
Në një deklaratë të shkurtër për gazetarët në Bruksel, Mogherini ka shfaqur shpresën për rezultate pozitive nga ky takim.