8.8 C
Prizren
E mërkurë, 5 Tetor, 2022

Ndalohen 40 shqiptarë në Meksikë

20150209184251574620Vijon largimi i shqiptarëve të Kosovës në drejtim të vendeve të Perëndimit në kërkim të një jete më të mirë.

Mësohet se gjatë mesnatës rreth 40 shqiptarë janë kapur nga autoritetet meksikane teksa kanë tentuar të kalojnë kufirin në drejtim të Amerikës.

Por kalimi i tyre ka qenë i pamundur, pasi policia amerikane ka qëlluar me armë në drejtim të tyre, duke lënë dy të plagosur.

Lajmi është konfirmuar nga njëri prej pjesëtarëve të grupit, Durim Zeqiri, i cili përmes një prononcimi për gazetën “Zëri” në Kosovë i ka bërë thirrje shtetit të Kosovës që t’u vijë në ndihmë personave që kanë mbetur në Meksikë.

“Fillimisht kemi provu 5 veta prej nesh me kalu kufirin e Meksikës për me dalë në Amerikë. Përveç që na ka ndjek policia amerikane na kanë gjuajtur edhe me armë. Dy prej grupit janë në gjendje shumë të rëndë”, ka theksuar Zeqiri.

Zeqiri ka thënë se të gjithë shqiptarët e mbetur atje janë të moshës 26-33 vjeç.

Vija kufitare Meksikë – Amerikë mbrohet nga forca të armatosura të ShBA-së për shkak të numrit të madh të emigrantëve ilegalë që synojnë “Tokën e premtuar” çdo vit.

Mijëra shqiptarë nga Kosova janë larguar dy javët e fundit në drejtim të Europës, Kanadasë dhe Amerikës.
/Shekulli Online

Më Shumë

Një i arrestuar në Prizren për posedim të substancave narkotike

Është arrestuar një person në Prizren pasi që gjatë kontrollit në banesën e tij janë gjetur dhe sekuestruar 5 qese me substancë të dyshuar...

Në këtë kohë krize, Ledri Vula blen veturë që kap vlerën mbi 100 mijë euro

Reperi i njohur, Ledri Vula është bërë me një veturë të re luksoze. Bëhet fjalë për veturën e tipit “Porsche”, e cila ka një çmim...

Lajmet e Fundit