24 shkurti është caktuar si datë e fundit kur shteti do të ketë kryeprokurorin e ri. Në garë i vetëm mbetet kryeprokurori i Prokurorisë së Apelit, Aleksandër Lumezi.
Ai pritet të intervistohet dhe të poentohet gjatë kësaj jave dhe kandidatura e tij të dërgohet për votim Këshillin Prokurorial të Kosovës.
Të tjerët janë tërhequr javën e kaluar në një proces që del të jetë i koordinuar. Ky koordinim shihet në e-mailin zyrtar të ish-kandidatit, Imer Beka. Një minutë pas kandidatit Shyqyri Syla, Beka ka vendosur të tërhiqet nga gara për kryeprokuror, shkruan sot “Koha Ditore”.
Më 3 shkurt 2014, në orën 10 e 4 minuta, kryeprokurori i Prokurorisë Themelore të Prishtinës, Imer Beka, i ka shkruar kryetarit të Këshillit Prokurorial, Sylë Hoxha, duke e njoftuar me vendimin për tërheqje nga gara. Në të përmend tërheqjen e Shyqyri Sylës