Anëtari i Kryesisë së LDK-së në Prizren, Fatmir Memaj, ka vlerësuar se fushata e fundit kundër kryetarit të Degës Haxhi Avdylit, tregon qartë rivalët politikë kanë filluar të kuptojnë fitoren e këtij subjekti politik në këtë qytet. Sipas tij, Haxhi Avdyli ia ka kthyer shpresën elektoratit të Prizrenit.
“Këto ditë ka filluar një fushtë propagandistike kundër kryetarit të LDK-së, dr. Haxhi Avdylit. Kjo fushatë , në të vërtetë, nuk është e orientuar vetëm kundër tij, por është e orientuar kundër degës së LDK-së në Prizren, sepse tashmë është e qartë që LDK do të fitojë bindshëm në zgjedhjet e jashtëzakonshme që pritet të mbahen së shpejti në Prizren, natyrisht pas verdiktit që do të dalë nga Gjykata e Apelit, për vërtetimin e dënimit të kryetarit tashmë të dënuar, Ramadan Muja”,shkruan Memaj në Facebook.
“Qytetarëve të komunës së Prizrenit,pas reformimit të degës së LDK-së në Prizren, iu është shtuar shpresa për një kthesë të mirëfilltë në demokracinë e këtij qyteti, për kthimin e një logjike qeverisëse transparente dhe të përgjegjshme. Për këtë flasin vizitat e panumërta të qytetarëve që këto ditë kanë vërshuar në zyrën e LDK-së në Prizren. Kjo tregon se disponimi qytetar për një ndryshim edhe në qeverisje është shumë evident”.
“Të frikësuar nga ky disponim i qytetarëve (të cilin natyrisht e vërejnë kundërshtarët politikë) kanë filluar të lansojnë dezinformata dhe ”analiza” për kryetarin e degës, dhe për asambleistët e LDK-së. Dhe kush i bën këto lansime dhe me porosi të kujt?”.
“Një aktivist i VV-së, natyrisht ish pdk-ist, të cilin a ka kapur paniku. E ka kapur paniku, sepse LDK po rikthehet fuqishëm dhe sigurisht që kundërshtarëve iu humbet shpresa për fitore. Ndoshta, nga nostalgjia që ka për PDK-në, ia mvesh dikuj tjetër atributin e vet për kontribut ndaj PDK-së”/PrizrenPress.com/