Kryetari i Bashkimit Demokratik(BD) në Prizren, Zafir Berisha ka uruar gjithë qytetarët për 7 vjetorin e Pavarësië së Kosovës.
“Me Rastin e 7 vjetorit të pavarësisë së Kosovës Bashkimi Demokratik iu uron këtë festë të gjithë qytetarëve të Kosovës duke shpresuar që festat me simbolikë si kjo do të jenë motivuese për angazhimin tonë në shtet ndërtim”
“Përpjekjet e qytetarëve të Kosovës për liri dhe pavarësi të cilat kulmuan me luftën e lavdishme të UÇK-së na obligojnë të gjithëve, si subjekte politike por edhe institucionale që në frymën e këtyre angazhimeve të punojmë edhe më shumë për një jetë më të mirë në shtetin tonë ndaj të cilit kemi obligim”.
“7 vjet si shtet kemi ngecje në përcaktimet tona, në zhvillimin ekonomik dhe politik të vendit prandaj si forca politike duhet të angazhohemi që të bëjmë edhe më shumë, që qytetarëve të Kosovës ti kthehet krenaria e të qenit qytetarë të respektuar në shtetin tonë për të cilin është bërë shumë sakrificë dhe është derdhur shumë gjak”/PrizrenPress.com/