Presidentja e vendit, Atifete Jahjaga dhe kryeministri Isa Mustafa me rastin e shtatë vjetorit të pavarësisë së Kosovës me nderime shtetërore bënë homazhe te varri i presidentit, Ibrahim Rugova.
Presidentja e vendit, Atifete Jahjaga tha se po bëjnë nderime institucionale presidentit historik, Ibrahim Rugova, ideatorit të pavarësisë së Kosovës.
Ajo tha se Kosova është një shtet i lirë, i pavarur, sovran dhe me perspektivë të qartë euro-atlantike.
Edhe kryeministri i vendit, Isa Mustafa tha se sot po bëjnë nderime për presidentin e parë të Republikës së Kosovës, Ibrahim Rugova, burrit që vuri themelet e Republikës.
Mustafa tha se Rugova punoi tërë jetën për shtetin e Kosovës. Ai tha se vlerëson shumë veprën dhe kontributin e presidentit Rugova, të cilën tha e ka motiv që të punojnë në të ardhmen për krijimin e kushteve për qytetarët e Kosovës.