Nisma në Prizren i ka dalë në përkrahje gazetarit Rami Berisha,i cili po nxjerrë në shesh të gjitha skandalet që kanë ndodhur në arsimin e këtij qyteti.
Komunikata e plotë e Nismës në Prizren
I nderuari z.Rami Berisha të gjeturat tuaja lidhur me skandalet e njëpasnjëshme që po ndodhin në drejtorinë e Arsimit në Prizren , dëshmojnë edhe njëherë se sa e rëndë dhe skandaloze është situata në Arsimin Prizrenas .Ne Komisioni për Arsim i Nismes –dega në Prizren duke u mbështetur në argumentet tona kemi reaguar tash e disa herë lidhur me skandalet e ndodhura në këtë drejtori .
Mirëpo skandalet që edhe ju po i dëshmoni tani , sikur i vënë kapakun e të gjtha të këqijave në këtë drejtori dhe si të tilla fatkeqësisht janë plotësisht të vërteta .Me keqardhje ju themi se ka qenë e ditur që nuk do të ketë reagime nga ata që ju u jeni drejtuar në mënyrë aq të hapur dhe mosreagimi i tyre është një gjest i mjerë dhe mbase nënkupton se ndonjëri prej tyre mund të jetë edhe i përfshirë në këto skandale .Ne dega e Nismes në Prizren konsiderojmë se veprimet e fëlliqura që po bëhen në Drejtorinë e Arsimit , dëmtojnë tej mase vlerat e qytetit të Prizrenit, qytet ky i shquar për nga kultura , arsimi etj .
Dhe këto veprime jo vetem që janë të papranueshme për ne , por si të tilla edhe i denojmë fuqishëm . Ne jemi zotuar se do të jemi çdoherë perkrah qytetarit të Prizrenit me qëllim të mbrojtjes së vlerave të tij .
Nisma për Kosoven – dega Prizren konsideron se puna juaj duke publikuar shifra alarmante të keqperdorimeve në Drejtorinë e Arsimit në Prizren , është për tu admiruar dhe vlerësuar shumë dhe njëkohësisht inkurajojmë edhe kolegët tjerë të profesionit tuaj , që të ndjekin shembullin tuaj, thuhet në fund të komunikatës së lëshuar nga Zyra për informim e‘’Nisma për Kosovën’’- dega Prizren