Kryetari i Rahovecit, Idrz Vehapi ka hartuar një strategji për të parandaluar migrimin e qytetarëve të tij. Ai ka organizuar sot një debat me qytetarë me të cilët ka diskutuar çështjen e migrimit.
” Sot po diskutojmë për një çështje mjaft të ndejshme që e ka prekur tërë Kosovën. Ndonëse jo në masë të madhe si komunat tjera, edhe komuna e Rahovecit është prekur me raste të migrimit ilegal”, tha Vehapi.
“Unë jam i kënaqur që mund të diskutoj këtë temë me juve, nxënës të shkollave të mesme, dhe besoj që mësimdhënësit dhe prindërit tuaj do ju flasin për sfidat e popullin tonë, dhe këto tema duhet të diskutohen vazhdimisht”.
“Kosova dhe populli i saj ka pasur sfida edhe më të vështira, mund t’i shihni pamjet dhe skenat e kthimit masiv të qytetarëve të Republikës së Kosovës pas lufte, por secili prej tyre edhe pse me shtëpi të djegura, janë kthyer në Kosovën e çliruar”.
“ Jemi në vitin e 16 të çlirimit të Kosovës dhe në vitin e 7 të Pavarësisë së Kosovës, dhe që të çlirohet Kosova, janë dashur vite, dekada dhe shekuj të sakrifikohet, nëpër shumë gjenerata dhe breza, por ne jemi ata që sot e gëzojmë Kosovën e pavarur. Të gjithë ne së bashku kemi obligim të punojmë vazhdimisht, me vullnet dhe përkushtim, duke i tejkaluar të gjitha sfidat që do i kemi përpara”/PrizrenPress.com/