Tre zyrtarët më të lartë të Qeverisë së Kosovës sot kanë marrë rrugën për Tiranë, për të realizuar një vizitë zyrtare.
Në këtë vizitë Kryeministri Isa Mustafa shoqërohet nga dy zëvendëskryeministrat Hashim Thaçi e Kujtim Shala. Zëvendëskryeministri i tretë nga radhët e komunitetit serb, Branislav Stojanovic, bashkë me Listën Serbe ka kohë që po bojkotojnë institucionet e Kosovës.
Kështu e gjitha udheheqja e Qeverisë ndodhet jashtë Prishtinës dhe gjatë kohës kur zhvillohet ceremonia e pritjes në Tiranë, në Prishtinë s’ka kush e zëvendëson Isa Mustafën, përveç nëse kjo i është lënë si detyrë ndonjë ministri, gjë që është pak e besueshme.
Atëherë cila është detyra e një zëvendësi? Të jetë aty ku është Kryeministri e ku s’ka nevojë për zëvendësim apo të përmbush detyrat e shumta që presin Qeverinë, në zyrën e Kryeministrit, kur ai është jashtë saj? /Politiko.net/