Ashtu siç janë duke ecur punët, avokati Dastid Pallaska ka shprehur mendimin se Kryeprokuror i Shtetit të Kosovës duket se do të jetë Enver Hasani, i cili aktualisht është Kryetar i Gjykatës Kushtetuese.
Duke folur në Zona e Debatit në Klan Kosova, Pallaska ka thënë se Ministri i Drejtësisë, Hajredin Kuçi, po u bën presion anëtarëve të Këshillit Gjyqësor të Kosovës që në krye të postit të Kryeprokurorit të vijë miku i tij nga Fakulteti Juridik.
“Ai ka ardhur me propozimin e tij që Kryeprokuror duhet të jetë dikush nga kolegët e tij në Fakultetin Juridik, që ka së paku 12 vjet përvojë pune si profesor. Edhe të gjithë e dimë kush është ai, e ai është Kryetari aktual i Gjykatës Kushtetuese – i cili po ashtu është akter në gjithë këtë storie”.
A mendon Pasllaska që është i rezervuar ky vend për Enver Hasanin?
“Veç emri i mungon”, ka thënë ai.