Kosova do të aplikojë për anëtarësim në Këshillin e Europës, pas nënshkrimit të Marrëveshjes së Stabilizim-Asociimit që pritet të ndodhë gjatë verës.
Zëvendësministri i Punëve të Jashtme Petrit Selimi tha se prioritet aktual është MSA-ja e pastaj Këshilli i Europës, meqenëse sipas tij, organizatat europiane në një mënyrë ose tjetër janë të ndërlidhura me procesin e integrimeve euro-atlantike.
Anëtarja e Komisionit për Integrime Europiane, deputetja Vjosa Osmani, konsideron se aplikimi për anëtarësimin në Këshillin e Europës duhej të ishte bërë shumë më herët, meqenëse kjo shkakton vonesa në procedura të pranimit.
Ajo thotë se votat prej dy të tretave për anëtarësim tashmë ekzistojnë dhe e vetmja gjë që është dashur të bëhet është lobimi në Asamblenë Parlamentare të Këshillit të Europës. /Top Channel/