Zëvendësministri i Punëve të Jashtme, Petrit Selimi ka treguar se Kosova ka marrë konfirmimin për njohje nga disa shtete, emrat e të cilave, sipas tij, do të publikohen vetëm pas marrjes së notave verbale.
Ai për ‘Epokën e re’ ka vlerësuar se politika e jashtme ka qenë ndër segmentet më të suksesshme të 100 ditëve të para të kësaj qeverie.
Selimi thotë se këtë e kanë e pranuar edhe ambasadorët e vendeve perëndimore në Prishtinë.
Ai ka thënë se ministri i Jashtëm është duke punuar në drejtim që Kosova duhet të bëhet model se si të eksportohen stabiliteti dhe paqja, e jo të konsiderohet importuese e resurseve të sigurisë si zonë e rrezikshme.