Reshjet e borës të rëna ditët e fundit kanë lënë tërësisht të izoluara rreth 45 familje që jetojnë në fshatit Buzmadh, komuna Gryke Çaje, në Kukës.
Sipas banorëve të këtij fshati, dy rrugët e fshatit që lidhen me Qendër Komunë janë të bllokuara pasi edhe nga erërat e forta dëbora është mbledhur duke krijuar një trashësi rreth 1 metër. Për fat të mirë deri tani nuk ka emergjenca të rënda shëndetësore, por rezervat e tyre ushqime janë duke mbaruar. Mënyra e vetme në raste të tilla është vetëm transporti me kafshë për dhjetëra kilometra deri në rrugën nacionale.