“Si një njeri që e ka takuar kryepeshkopin Anastas vetëm disa ditë pasi erdhi në Shqipëri, në vitin 1992, besoj se ka pasur të paktën 23 vjet kohë për ta mësuar gjuhën tonë”.
Kështu shkruan Ben Blushi në një shkrim për Panoramën, duke ngritur shqetësimin se pse Janullatos nuk flet shqip.
Deputeti i referohet meshës së Pashkëve.
“Kryepeshkopi Anastas mund të më thotë se sa herë që meshon, dikush ia përkthen fjalët dhe mendimet. Por kjo përgjigje nuk më bind. Anastasi nuk ka nevojë të përkthehet dhe nuk duhet të përkthehet, sepse ai ka detyrimin dhe dijen e duhur për të folur shqip. Hirësia duhet të flasë shqip. Me këtë shpresë do t andjek edhe Pashkën tjetër. Me lutjen se do ma shpjegojë Zotin pa përkthim”.