Policia e Kosovës ka arrestuar dy persona në fshatin Skorobishtë të Prizrenit, pasi të njëjtit dyshohet se janë përfshirë në një përleshje fizike në mes veti, për shkak të një mosmarrëveshjeje të mëhershme.
“Janë arrestuar dy të dyshuar, pasi që të njëjtit pas një mos marrëveshje janë përleshur mes veti. Si pasojë që të dy kanë pësuar lëndime trupor dhe i është ofruar trajtim mjekësor. Me vendim të prokurorit të dyshuarit janë dërguar në mbajtje”, njofton Policia.
Kurse, arrestimi tjetër është bërë në fshatin Studenqan të Suharekës, pasi i dyshuari pas një mosmarrëveshje ka sulmuar fizikisht një person tjetër, duke i shkaktuar lëndime trupore. Viktima ka pranuar tretman mjekësor, ndërsa i dyshuari pas intervistimit me vendim të prokurorit është liruar në procedurë të rregullt. /PrizrenPress.com/