Me 50 vota kundër, 29 për dhe 5 abstenime, deputetët e Kuvendit të Kosovës nuk kanë arritur ta fusin si pikë të rendit të ditës, diskutimin për ngjarjet e fundit në Kumanovë.
Propozimi erdhi nga Lëvizja Vetëvendosje!, por nuk u përkrah nga pozita me arsyetimin se duhet të kenë më shumë informata për atë çfarë ka ndodhur në Kumanovë.
Shefi i Grupit Parlamentar të VV-së, Glauk Konjufca, ka thënë se është e domosdoshme që të diskutohet për gjendjen në Kumanovë.