Kryetari i Prizrenit, Ramadan Muja, ka uruar kryetarin e Bashkësisë Islame në Prizren, myftiun Lutfi Balleku dhe të gjithë qytetarët e besimit islam, me rastin e muajit të shenjtë të Ramazanit.
“Ky muaj i shenjtë, le të na shërbejë në thellimin e respektit, tolerancës, miqësisë dhe dashurisë për fëmijët, familjen si institucion themelor të ç’do shoqërie dhe të gjithë qytetarët“, thuhet në urimin e Mujës.
“Ramazani është mundësi shumë e mirë për fisnikërimin e shpirtit dhe rritjen e besimit në vlerat më sublime të njeriut – besimin në krijuesin tonë“.
“Gjatë këtij muaji uroj për gjithë qytetaret e komunës sonë që të jenë sa më solidar me njëri tjetrin, sa më human me ata që kanë nevojë dhe të rrugëtojë të gjithë bashkë drejt arritjeve të reja“./PrizrenPress.com/