Bashkia e Lezhës i ka dorëzuar titullin “Mirënjohje e Qytetit” familjarëve të Gentian Demaliajt, liderit të grupit rrok “Djemtë e Detit”. Ka qenë vajza e tij Edea, që përmes pasionit të trashëguar për muzikën, performoi disa prej këngëve të “Djemve të Detit”.
Disa muaj pas vdekjes, Bashkia e Lezhës ka vlerësuar me titullin “Mirënjohje e Qytetit” Gentjan Demaliajn.
Titulli iu dorëzua familjarëve dhe anëtarëve të bandës nga kreu i Këshillit bashkiak, Agostin Marku dhe kryetari i bashkisë Lezhë, Viktor Tushaj, që e cilësuan krenaria e qytetit, si pjesë e rëndesishme që ka lënë i ndjeri në historinë e muzikës.
Kolegë të këngëtarit të ndjerë performuan hitet e “Djemve të Detit”, ndërsa nuk munguan dhe kujtimet që u sollën nga miq dhe të afërm të Gentian Demaliajt, pasionin e të cilit për muzikën po trashëgohet denjësisht vajza e tij, Edea. /KultPlus.com/