Deputeti i Parlamenti të Kosovës,Zafir Berisha thotë se Rusia mund të bllokojë themelimin e Gjykatës Speciale në Kuvendin e Kosovës.
“OKB-ja edhe mund ta themelojë Gjykatën Speciale, por presioni se Rusia do ta bëjë këtë është i paqëndrueshëm. Çfarë interesi paska Rusia për të themeluar këtë gjykatë. Nëse qenka më keq për Kosovën që OKB-ja ta bëjë këtë gjykatë, Rusia mund ta bllokojë themelimin e saj në Parlamentin e Kosovës. Këtë mund ta bëjë përmes deputetëve serb në Parlamentin e Kosovës, që janë zë i Beogradit”, ka thënë Berisha në emisionin “Aktuale” në Televizionin e Prizrenit.
Sipas tij, themelimi i kësaj gjykate është i dëmshëm për shtetin e Kosovës. Ai tregon se deputetët janë nën presion të ndryshme.
“Ky presion ngjan në presionin e gjysheve për fëmijët me gogolin që i detyrojnë fëmijët të flenë”.
“Serbët janë shprehur të gatshëm të votojnë Gjykatën Speciale “në të mirë të Kosovës”, ndërsa nuk e votojnë FAK-un dhe jo vetëm FAKU-n”.
“Serbët vazhdimisht për ndryshime kushtetuese kanë kushte në dëm të Kosovës”, tha Berisha.
Sipas tij deputetë e kanë përgjegjësi historike fatin e vendit.
“Deputetët e dinë, e di edhe Isa Mustafa edhe Kadri Veseli që nuk është në rregull vënia dorë në sovranitetin e vendit, por do të votojnë nga presioni, sepse e kanë sjellë veten në këtë pozitë sa nuk mund të thonë jo” ka thënë deputeti Zafir Berisha në emisionin “Aktuale” në Televizionin e Prizrenit.