Aktorja italiane, Laura Antonelli, e njohur për rolin e saj në “Malicia” dhe ish-bashkëjetuesja e aktorit francez, Jean-Paul Belmondo është gjetur e vdekur në banesën e saj në Ladispoli, jo shumë larg Romës, njoftuan mediat italiane. Shkaqet e vdekjes së 73 vjeçares ende nuk dihen.
Antonelli lindi më 28 nëntor 1941 në qytetin Pula, në Kroaci, që quhej në atë kohë Pola dhe bënte pjesë në Itali. Aktorja ishte kryesisht e njohur për rolet e saj në komeditë erotike italiane të xhiruara në fund të viteve 60 dhe në vitet 70 si ”Revolucioni seksual”, xhiruar në vitin 1968 apo “Malicia”, xhiruar në vitin 1973.
Ajo punoi me emra të mëdhenj të kinemasë italiane si Luchino Visconti, Dino Risi, Ettore Scola dhe Luigi Comencini.