Rockeri Nick Cave ka mbetur pa djalin e tij 15 vjeçar, i cili vdiq pasi ra nga shkrepat.
Arthur Cave, djali 15 vjeç i Nick Cave dhe gruas së tij Susie Bick, ka vdekur papritmas të mërkurën, pasi kishte rënë nga shkrepat në Brighton të Anglisë.
Nick dhe Susie, në një deklaratë, konfirmuan vdekjen e djalit të tyre.
“Djali ynë Arthur ka vdekur të mërkurën mbrëma. Ai ishte djali ynë i bukur, i lumtur, i dashur. Lusim për respektim të privatësisë të familjes përderisa përballemi me këtë moment të vështirë”.
Hetuesit kanë deklaruar se vdekja e Arthur nuk është duke u hetuar penalisht.