Forcat speciale izraelite janë përgjegjëse për vrasjen e një zyrtari të lartë të ushtrisë siriane në vitin 2008.
Kështu thuhet në një dokument të inteligjencës amerikane.
Gjeneral brigade Mohammed Suleiman u vra nga një snajper, ndërsa ishte në një qytet turistik.
Izraeli nuk i ka komentuar kurrë publikisht dyshimet se ishte përfshirë.
Por një dokument i rrjedhur në faqen Intercept nga bilbilfryrësi amerikan, Edward Snowden thotë se ishin komandot izraelite ato që kryen ekzekutimin.
Në atë kohë u raportua se Suleiman ishte qëlluar në kokë dhe qafë nga një snajper në bordin e një jahti, ndërsa ai po hante darkë në oborrin e shtëpisë së tij në plazh.
Disa thonë se ai u ekzektua pasi ishte “lidhja” e Sirisë me grupin militant libanez Hezbollah.
Një kabllogram amerikan e përshkruante atë si një këshilltar të afërt të presidentit Bashar al-Assad.
Në shtëpinë e tij u gjetën 80 milionë dollarë në cash.
Sipas kabllogrameve amerikane, presidenti Assad mbeti i shokuar nga ky zbulim. Ai kërkoi të mësonte se si gjenerali kishte mbledhur kaq shumë para.
Vdekja e tij erdhi pas vrasjes së shefit ushtarak të Hezbollahut në Damask.
Ai mendohet se u vra nga Mossad-i izraelit në bashkëpunim me CIA-n amerikane./Mapo/