Studentët e rinj sot i nënshtrohen provimit pranuese në disa fakultete të Universitetit të Prishtinës: Hasan Prishtina”. Ndërkohë, konkursi i UP-së është quajtur racist.
Me këtë rast, ministri i Arsimit, Shkencës dhe Teknologjisë, Arsim Bajrami do të vizitojë Fakultetin e Edukimit.
Ndërkohë për konkursin e UP-së, ka reaguar analisti i çështjeve të arsimit, Jusuf Thaçi, transmeton kp. Ai ka thënë se konkursi i Universitetit të Prishtinës “Hasan Prishtina” (UP) për pranimin e studentëve në studimet themelore baçelor në vitin akademik 2015/2016, i shpallur më 8 korrik 2015, për fat të keq, ka një pikë e cila është në shpërputhje me parimet universale, ka elemente raciste dhe është në kundërshtim me ligjin e arsimit të lartë dhe me statutin e UP-së.