Shqetësim në Bayreuth të Gjermanisë. Në qendër të shqetësimit është kancelarja gjermane, Angela Merkel. 61-vjeçarja u rrëzua në një restorant gjatë një festivali të kësaj zone. Shkaku nuk duket aq shqetësues sa ishte raportuar më parë.
Kancelarja ishte ulur në kafene rreth orës 19:00. Asaj iu thye karrigia dhe rrëshqiti poshtë tavolinës. Në restorant u krijua konfuzion. Shumë shpejt u soll një karrige tjetër dhe gjërat vazhduan si më parë. Vetëm se në njoftim u tha se Merkel pati një moment dobësie. Në fakt nuk ishte dobësi si atëherë gjatë Kongresit të CDU në Këln. Thuhet se Merkel e mori me sportivitet këtë ngjarje. “Rashë mirë,” tha ajo.