Në orët e pasdites së djeshme, Policia e Prizrenit ka pranuar një informatë nga një person anonim e cila bënte me dije se në fshatin Petrovë po ndodh një mosmarrëveshje në mes të djalit dhe babës.
Me të arritur në vendin e ngjarjes, policia ka nisur me hetimin e rastit dhe ka kuptuar se baba e kishte kanosur djalin.
Po ashtu është bërë e ditur se i ati posedon një armë të llojit pistoletë me leje për ta poseduar në shtëpi e jo për ta bartë me vete.
Policia e ka gjetur të dyshuarin dhe në veturën e tij e ka gjetur dhe sekuestruar pistoletën me pesë fishekë të kalibrit 9X19mm.
Ndërkaq një armë gjahu me 25 fishekë të kalibrit 12mm është sekuestruar në fshatin Zhur. Të njëjtën i dyshuari e kishte lenë në shtëpinë e një shoku të tij.
Pas intervistës, në prani të avokatit mbrojtës është njoftuar prokurori i shtetit i cili ka nënshkruar vendimin për ndalimin e të dyshuarit për 48 orë. /PrizrenPress.com/