Rita Ora insiston se nuk është një tradhtare ndaj femrave për shkak të bashkëpunimit me Chris Brown.
Ylli i hitit “Poison” është vënë nën kritika për shkak të bashkëpunimit me këngëtarin 26-vjeçar, i cili më 2009 ishte dënuar për shkak të rrahjes së rëndë që ia kishte bërë të dashurës së atëhershme, në këngën “Boy on Me”, por ajo insiston se e kaluara e tij nuk ka të bëj asgjë me këngën, pasi vetëm ka dashur të punoj me dikë vokalet e të cilit janë përshtatur me këngën.
“Kam qenë një mbështetëse e madhe e femrave tashmë një kohë të gjatë dhe këtë mund ta shihni në intervistat e mia. Mendoj se kënga flet vetë. Zëri i tij është përshtatur me këtë këngë dhe e kam kontaktuar atë duke e pasur në mendje këtë dhe asgjë tjetër”, ka deklaruar Rita.
Ylli 24-vjeçe në të kaluarën ka folur rreth këtij bashkëpunimi, duke thënë se është i rëndësishëm për të në aspektin personal dhe profesional.
“Ai është një person i fuqishëm dhe dikush që është i rëndësishëm për mua personalisht dhe profesionalisht. Diskriminimi dhe gjërat tjera për të cilat flasin njerëzit? Nëse ke një këngë të mirë, atëherë askujt s’i intereson”, kishte deklaruar Rita.
Mirëpo, kritikët e këngës ‘Body on Me’, e kanë akuzuar Ritën në mediet sociale, duke ia rikujtuar asaj incidentin e vitit 2009, kur Chris brutalisht e kishte rrahur Rihanna-n, për çka ishte dënuar me 5 vite burg me kusht.