Greg Delawie, do të jetë ambasadori i ri i Shteteve të Bashkuara të Amerikës në Kosovë.
Ambasada e SHBA-ve, ka publikuar një video të ambasadorit Greg Delawie, ku ai flet për Kosovën, e mbi të gjitha ai thotë se mezi pret që ta shijojë një makiato në Kosovë, transmeton zeri.info.
“Është nderë për mua që të shërbej si ambassador i SHBA-ve në Kosovë. Shërbimi publik është shumë i rëndësishëm për familjen time. Unë kam qenë diplomat për më shumë se 30 vjet. Gjithmonë kam besuar në marrëdhëniet e mira dhe në tolerancë. Për mua dhe familjen time do të jetë kënaqësi të jemi këtu. Po ashtu mezi pres të shijojë makiaton e Kosovës, e cila është më e mira në botë”, ka thënë ambasadori i ardhshëm i SHBA-ve në Kosovë, Greg Delawie.