Hetues policorë nga Stacioni Policor i Prizrenit, me urdhëresë të gjykatës themelore kanë bastisur shtëpinë e të dyshuarit I. B. në rrugën “Ramadan Çejku”.
Në kërkim të provave materiale, sipas policisë, janë gjetur dhe sekuestruar dy armë të kalibrit të vogël: një pistoletë e llojit “Bereta” e kalibrit 9mm dhe një revolver pa shënime mbi armën me tetë fishekë të kalibrit 9mm.
Në lidhje me rastin është informuar prokurori i shtetit i cili ka urdhëruar që rasti të procedohet sipas procedurës së rregullt. /PrizrenPress.com/