Presidentja e Kosovës, Atifete Jahjaga, ka folur për situatën e krijuar politike në vend, sidomos pas bllokimit të punës së Kuvendit nga ana e opozitës.
Në një intervistë për emisionin “Komiteti”, Jahjaga nuk beson se do të ketë krizë të re politike.
“Nuk dua te besoj se partitë politike do të lejojnë që vendi të shkojë drejt një krize të re politike. Ne kaluam krizën e zgjedhjes së presidentit, gjithashtu kaluam krizën me bllokadën institucionale vitin e kaluar, tani ka ardhur koha që Kosova të prodhojë lajme të mira. Nuk besoj se vendi do të shkojë në përshkallëzim të krizës”, ka thënë presidentja Jahjaga.