Lidhja Demokratike e Kosovës(LDK) në Prizren, i ka dal në mbrojtje banorëve të fshatit Vlashnje. Sipas këtij subjekti politik, banorët e këtij fshati kanë të drejtë të shqetësohen për çmimin e kompenzimit të tokës.
“LDK i merr me shqetësim lajthitjet e Komunës së Prizrenit në raport me kërkesat e drejta të banorëve të Vlashnjes për kompensimin e tokave të tyre”, thuhet në reagimin e LDK-së në Prizren.
“Komuna e Prizrenit duhet përfundimisht të kuptojë se prona private është e shenjtë”.
“Përkundër interesit publik në lidhje me atë investim, pronarët e atyre pronave duhet të kompensohen në përputhje me çmimin real që sot e ka tregu i patundshmërisë në atë zonë”.
“Në premtimet e shumta të parealizuara të PDK-së ishte edhe kompenzimi real i çmimit të tokës , ndërsa tani tentohet që toka e vlashnjanëve të paguhet trefish më ulët se vlera reale”.
“Me këtë rast, Dega e Lidhjes Demokratike të Kosovës përkrah kërkesat reale të banorëve të Vlashnjes dhe kërkon ndërprerjen e punimeve deri në arritjen e një marrëveshje me banorët e këtij fshati”.
“Çdo veprim tjetër i njëanshëm dhe arbitrar mbetet i pa pranueshëm, dhe rrezikon këtë investim më se të nevojshëm për qytetarët e Prizrenit”./PrizrenPress.com/