Rustem Mustafa-Remi, deputet nga radhët e PDK-së, në emisionin “Rrokum Roll”, të Televizionit Rrokum, tha se kryeministri Isa Mustafa nuk po mundohet ta tregojë veten si lider qeverisë, prandaj ai duhet t’ia lëshojë vendin dikujt tjetër në krye të ekzekutivit të vendit.
Remi tha se koalicioni qeveritar mund të zgjerohet. “Nuk është puna vetëm te z.Mustafa por edhe te disa ministra, që nuk ka zhvillim në vend”, ka thane ai.
Ai tha se koalicioni duhet të vazhdojë, por me kabinet tjetër qeveritar para se të hyjmë në vitin 2016.
“Duhet me u mbledh në një tavolinë dhe me i diskutue problemet, se po e shohim edhe ne që rrota ka mbet duke u sjell në vend”, tha Mustafa per situaten e krijueme koheve te fundit në Qeveri.
Ai zgjidhjen e sheh në largimin e Isa Mustafës nga kreu i qeverisë, duke ia lënë vendin e kreut të ekzekutivit PDK-së.
Seancën e nesërme të Kuvendit, e cila është planifikuar të mbahet në mbremje, e sheh me zhvillime jo normale.
“Jo gjithçka në rregull, me seancën e nesërme”, tha ai
Ndërsa për situatën e krijuar në Univesrisitetin e Prishtinës, Remi tha se “nuk duhet me folë ata që nuk kanë kredibilitet për Universitetin e Prishtinës”. /Telegrafi/