Departamenti i Përgjithshëm i Gjykatës Themelore të Prizrenit ka vendosur një muaj paraburgim ndaj të pandehurve M.K., K.M. nga fshati Sërbicë e Poshtme, Komuna e Prizrenit, si dhe A.Q. nga Zvicra.
Tre të pandehurit dyshohen se kanë kryer veprën penale ‘lëndim i lehtë trupor’.
“Të pandehurit do të mbahet në paraburgim në kohëzgjatje prej 1 (një) muaji, i cili do të llogaritet prej kohës së ndalimit, data 10.11.2015 dhe do të zgjasë deri me datën 09.12.2015”, njofton zëdhënësja e gjykatës, Afërdita Kicaj.
“Të pandehurit dyshohen për shkelje të Kodit Penal, se me datën 10.11.2015 rrethë orës 13.30 minuta në fshatin Sërbicë e Poshtme, pas një mosmarrëveshje të mëhershme lidhur me një borxhe të njëjtit duke përdorur mjete të forta për shkaktimin e lëndimeve trupore si dhe përdorimin e grushtave i shkaktojnë lëndime trupore të ndërsjella njëri tjetrit”, bën të ditur Kicaj. /PrizrenPress.com