Me një ceremoni të organizuar nga kolektivi i shkollës së muzikës në qytetin e Rahovecit, sot u bë emërimin i kësaj shkolle me emrin e veprimtarit Faik Sylka. Në këtë ceremoni morën pjesë kryetari i Komunës së Rahovecit, Idriz Vehapi; drejtorja e Arsimit, Vjollca Vuçiterna; familjarë, mësimdhënës e nxënës të kësaj shkolle.
Me rastin e emërimit të shkollës, një fjalë rasti e mbajti edhe kryetari i Komunës, Idriz Vehapi, i cili tha se kjo është një ditë e veçantë për familjen, nxënësit, mësimdhënësit dhe për të gjithë rahovecianët, sepse një institucion arsimor po e emërohet me emrin e një veprimtari të shquar, siç është Faik Sylka.
Image
“Puna e tij dhe angazhimi i tij na ka obliguar që ta emërojmë shkollën e muzikës me emrin e këtij veprimtari i cili ishte i respektuar nga të gjithë”.
Në emër të familjes së veprimtarit Faik Sylka, foli djali i tij, Adoris Sylka, i cili falënderoi kryetarin Vehapi dhe të gjithë të pranishmit të cilët ishin në ceremoninë e emërimit të shkollës. Gjithashtu, ai falënderoi të gjithë ata të cilët bënë të mundur emërimin e shkollës me emrin e prindit të tij.
Nxënësit dhe mësimdhënësit e shkollës fillore të muzikës “Faik Sylka”, kishin përgatitur një program të pasur kulturorë-artistik.