Në ambientin e motel restaurantit “Esra Palace” në Rahovec, në organizimin e GIZ- it Gjerman, Agjencionit për barazi gjinore dhe Rrjetit të grupeve të Grave të Kosovës, u mbajt një tryezë me temën “Barazia gjinore dhe Korniza Ligjore”, ku morën pjesë gratë nga Rahoveci dhe Mamusha. Në këtë tryezë kanë morë pjesë edhe nënkryetari i komunës së Rahovecit, Xhemali Haxhimustafa, si dhe drejtorët komunal, Fehmi Hoxha, Lulzim Sylejmani dhe Kujtim Q. Popaj.
Përfaqësuesja profesionale e projektit për barazi gjinore, Nebahate Maqedonce, tha se ligji për barazinë gjinore promovon vlerat themelore për zhvillimin demokratik të shoqërisë, dhe përcakton masat e përgjithshme dhe të veçanta për mbrojtjen dhe sigurimin e të drejtave të barabarta të femrave dhe të meshkujve si dhe përgjegjësitë e institucioneve.
Nicole Frantworth, eksperte për barazinë gjinore, e elaboroi Kornizën ligjore, dhe në vazhdim thotë se ky ligj vlen për meshkujt, femrat dhe personat që kanë një karakteristikë të mbrojtur identitetin gjinor apo të seksit, si dhe garanton mundësi dhe trajtim të barabartë në sferën publike dhe private të jetës shoqërore, duke përfshirë jetën politike dhe publike, punësimin, arsimin, shëndetësinë, ekonominë, përfitimet shoqërore, sportin, kulturën, dhe sferat tjera të përcaktuara me këtë ose ligj tjetër.
Shumë gra të pranishëm nuk janë pajtuar me trendin momental sa i përket barazisë gjinore, duke thënë se pak janë ato gra që posedojnë biznese private, ose pjesëmarrjen në vendimmarrje, ndërkaq ato të Mamushës theksuan se në komunën e tyre asnjë grua nuk ka biznesin privat.
Me diskutime të tyre kanë kontribuar edhe nënkryetari Xhemali Haxhimustafa, tre drejtorët në qeverinë komunale Fehmi Hoxha, Lulzim Sylejmani, Kujtim Q. Popaj, si dhe Habibe Haxhimustafa, zyrtare komunale për barazinë gjinore. /PrizrenPress.com