Dhomat e Specializuar do të funksionalizohen gjatë vitit 2016, por datë të caktuar nuk ka ende. Kjo varet nga kompletimi i një varg kërkesash të ndryshme ligjore por edhe nga përgatitjet logjistike, përzgjedhja dhe emërimi i gjyqtarëve si dhe nga rekrutimi i stafit tjetër përcjellës.
Bashkimi Evropian, si sponzorizues i këtij procesi thotë se si etapë e rëndësishme në këtë proces është nënshkrimi dhe ratifikimi i marrëveshjeve nga të dyja palët.
Të pyetur se me çka ka të bëjë marrëveshja e fundit e arritur mes Kosovës dhe Holandës, zyra e BE-së në Kosovës ka thënë për Tribuna Channel se përveç çështjes së selisë, kjo marrëveshje rregullon marrëdhëniet midis shtetit nikoqir dhe institucionit të ardhshëm gjyqësor.