Kryeprokurori i Prokurorisë Themelore në Prizren,Sylë Hoxhaj, ankohet se nuk ka staf të mjaftueshëm për të luftuar korrupsionin. Ai tregon se numri i prokurorëve dhe bashkëpunëtorëve profesional në institucionin që drejton, është i vogël.
“Krimi i organizuar dhe korrupsioni nuk luftohet pa staf të mjaftueshëm”, tha Hoxhaj, për RTV Besa,transmeton PrizrenPress.
Sipas tij, numri i prokurorëve dhe bashkëpunëtorëve profesional duhet të rritet.
“Institucionet e kanë për obligim që të kompletojnë stafin e Prokurorisë për të luftuar korrupsionin”.
“ Nëse plotësohen kërkesat, ju garantoj se do të kemi më shumë rezultate”.
Kryeprokurori Hoxhaj tregoi se gjatë vitit 2015-të, Prokuroria në Prizren, ka shënuar rezultate në luftimin e korrupsionit dhe krimit të organizuar. Ai premton se angazhimi në luftimin e korrupsionit nuk do të mungojë edhe gjatë vitit 2016-të./PrizrenPress.com/